Tulleihein

Tulleihein
Anemone coronaria om Tulleiheinän tipine erik
Tedoklassifikacii
Valdkund: Kazmused Palakund: Änikkazmused (Magnoliophyta) Klass: Kaksidülehtesižed (Magnoliopsida) Kund: Vesnuhheinänikoižed (Ranunculales) Sugukund: Vesnuhheinižed (Ranunculaceae) Heim: Tulleihein
Latinankel'ne nimi
Anemóne L.
Sistematik Vikierikoiš Kuvad Vikiaitas ITIS 18425 NCBI 22868

Tulleihein vai Anemon (latin.: Anemone), mugažo Loptuhhein paginoiš, om Evropan äivoččiden heinäsižiden kazmusiden heim. Se mülütab läz kaht sadad erikoid, mülüb Vesnuhheinižed-sugukundha.

Heimon erikod oma levitadud Pohjoižes mapoliškos päiči tropikoiš, ühesa erikod elädas Arktikas. Tulleiheinäd kazdas mecoidme (lehtezmecoidme tobjimalaz), penzhištoil, pidust' mecanröunoid, puištoiš, pustolänil, pil'vesekahil i subal'pižil nituil, heinäsižil pautkil. Läz 50 erikod voib löuta Venämas.

Tedonimituz libub grekan kelen Άνεμος Anemos-sanaspäi «tullei», surehk änik köläidab hoikal vardel eskai penel tulleil. Jurišt om lihav, cilindranvuitte vai mugulanvuitte. Lehtesed kazdas varzil paksumb mu jurespäi.

Kaks'suguižed änikod kazdas üksin vai änikusil. Änikuses oleleb 5..20 äniklehtest erazvuiččen mujun (vauged, purpurine, sinine, vihand, pakuine, ruskedvauvad, rusked). Plodud oma pähkmenvuiččed, siledad vai karvakahad. Äikerdoitas kul'turkazmusid jurusel, muguloil, seikhen čokvezoil.

Valitud erikod

• Anemone baicalensis — Baikaline anemon
• Anemone coronaria — heimon tipine erik
• Anemone nemorosa — Kül'mänik
• Anemone ranunculoides — Viluänik
• Anemone uralensis — Uraline tulleihein

Homaičendad

Nece kirjutuz om vaiše ezitegez. Tö voit abutada meile, ku kohendat sidä da ližadat sihe.