Reboi: Erod versijoiden keskes

'''Reboi''' vai '''Rusked reboi''' vai '''Järgeline reboi''' ([[latinan kel'|latinan kelel]]: ''Vulpes vulpes'', [[venäkel'|venäkelel]]: ''Лисица обыкновенная'') om [[Koiranvuiččed|Koiranvuiččiden]] sugukundan (''Canidae'') lihansöi (''Carnivora'') imetaiživat, levitadud da kaikiš suremb erik [[Reboid]]en sugus. Hibjan piduz om 60..90 sm, veduz — 6..10 kg, händ om 40..60 sm pitte.

Järgeline reboi om lujas levitadud: [[Evrop]]an kaikel territorijal, Pohjoižes [[Afrik]]as (Egiptas, Alžiras, Marokos, pohjoižes Tunisas), [[Azii|Azijan]] surembas palas (Indijan pohjoižehesai, Kitain suvehesai i [[Indokitai]]hesai), [[Pohjoižamerik]]as arktižes zonaspäi [[Meksikan laht]]en pohjoižele randalesai. Reboi oliom akklimatiziruidud [[Avstralii (kontinent)|Avstralijas]] da leviganzi kaiked kontinentadme, päiči pohjoižiš rajoniš subekvatorialižen klimatanke. Ende biologad oma lugenuded, miše Amerikas eläb reboiden erine erik, no jäl'gmäižil aigoil se lugedas jo rusttan reboin alaerikoks.

Reboi om [[mectuz|mectusen]] objektaks, znamasine živat nahkan samha. 19. voz'sadan lopus mustburan reboin sugu om sätud. Sid' selekcii da kodikoičend oli, ned ližaziba karvan ladud. Mustburan sugun pohjal sädihe äi toižid suguid: platinakaz, bakurianine, dakotine.

Fail:Common foxes in the snow.jpg|Reboid lumes

* [http://www.sevin.ru/vertebrates/index.html?Mammals/214.html Venäman sel'grodaižed živatad: Vulpes vulpes] ''sevin.ru''-saital. {{ref-ru}}