Kul'turrevolücii Kitaiš: Erod versijoiden keskes

Kul'turrevolücii satati 100 mln ristituid, läz 1 mln oma riktud torokaigan rezul'tataks. [[Kitain Rahvahaližpäzutai armii]] oli alistunu Mao Czedunale. [[Kitain kommunistine partii|Kitain kommunistižen partijan]] 5 mln ühtnijoid 21:späi oliba repressiruidud. Kitain profühtnendad, komsomol da pionerorganizacii oliba likvidiruidud. Vll 1970−1973 ottihe 10..12 mln uzid sättujid ühtnijoid partijha, heil ei olend hökkähtamatomuden mahtoid. Toroknikad da [[hunveibinad]] heitihe äjad Kitain rahvahiden mail'man jäl'gusišpäigusespäi: tuhad amuižid muštpachid, pühäpertid, kirjoid, kuvid. Läz kaikid jumalankodid da pühäpertid panihe mantazole [[Tibet]]as, kudambid kaičihe völ kul'turrevolücijan zavodindale.