Ma: Erod versijoiden keskes

'''Ma''' ([[latinan kel'|latinan kelel]]: ''Terra'') om koumanz' [[planet]] [[Päiväine|Päiväižespäi]] lugeden [[Päiväižen sistem]]as, kaikiš jaredamb diametran da vedusen mödhe Maižen gruppan planetoiden ([[Merkurii (planet)|Merkurii]], [[Vener (planet)|Vener]], Ma i [[Mars (planet)|Mars]]) keskes, tihedusen (ninevusen) mödhe — sisteman kaikiden planetoiden keskes.

 

Matkad Maspäi Päiväižhesai om 149 597 887 kilometrad vai 1 [[astronomine ühtnik]]. Planet punose Päiväižes ümbri da tegeb kogonašt pörut 365,26 päiviš. Mugažo se punose ičeze värtmudes ümbri da tegeb kogonašt pörut 23 časus 56 minutas i 4.091 sekundas.

 

Mal üks'jäine sur' londuseline kaimdai om — [[Kudmaine]]. Keskmäine matk Man keskusespäi Kudmaižen keskushesai om läz 384 467 kilometrad. Erasti kactas «Ma — Ku»-sistemad kaks'jaižeks planetaks, molembad punotas [[barikeskuz|barikeskuses]] ümbri, se sijadase Man südäimes 4 671 kilometras keskusespäi, Man raduis — 6 378 km.

 

 

Man pind om 510 072 000 nellikkilometrad. Necišpäi 70,8 procentad om [[Manvaldmeri|Manvaldmeren]] [[vezi|veded]]. Mülüdas Manvaldmerhe: [[Atlantine valdmeri|Atlantine]], [[Indine valdmeri|Indine]], [[Jävaldmeri|Jä-]], [[Suvivaldmeri|Suvi-]] da [[Tün' valdmeri|Tün']] valdmered. Valdmered da sal'med jagadas kuivmad kudhe kontinentha, ned oma [[Afrik]], [[Antarktid]], [[Avstralii (kontinent)|Avstralii]], [[Evrazii]], [[Pohjoižamerik]] i [[Suviamerik]].

 

Tedoližed andmused ozutadas, miše Ma om sänus [[Päiväine|Päiväižen]] sumegusespäi läz 4,54 milliardad vozid tagaze. Ma om mail'man üks'jäine planet eläbidenke olijoidenke. [[Elo]] om tulnu Male läz 3,5 milliardad vozid tagaze, elon kaičendan londuseližed arvoimižed lindäs olmas völ 0,5..2,3 mlrd vot.

 

{{Commons|Earth}}

 

[[Kategorii:Ma| ]]

[[Kategorii:Astronomižed objektad kirjamišton mödhe]]