Uglič: Erod versijoiden keskes
Om sätud uz' lehtpol', kudamban südäiolend om '{{Eländpunkt | Nimi = Uglič<br />Углич | Lidnanznam = Coat of Arms of Uglich (Yaroslavl oblast).png | Flag = Flag of Uglich (Yaroslavl...' |
(Nimittušt erod)
|
Vajehtuz 7. Viluku 2019, kell 12:40
Uglič (ven.: Углич) om Venäman lidn da lidnankund Jaroslavlin agjan päivlaskmas. Se om Ugličun rajonan administrativine keskuz.
Lidnanznam |
Flag |
Valdkund | Venäma |
Eläjiden lugu (2017) | 32,146 ristitud |
Pind | 26,6 km² |
Pämez' | Svetlana Stavickaja (viluku 2015—) |
Telefonkod | +7−48 532-xx-xxx |
Avtokod | 76 |
Aigvö | UTC+3 (MSK+0) |
Istorii
Ezmäižed eländpunktad oliba lidnan sijas meiden eran augotišespäi. Nügüdläine lidn mainitase ezmäižen kerdan vl 1148 kuti Ugleče pöud (ven.: Углече поле), 13. voz'sadaspäi — muite Uglič. Vll 1216−1285 oli ripmatoman Ugličun ruhtinazkundan pälidnaks. Vll 1285−1320 ruhtinaz alištui Rostovan tobmudele, vspäi 1389 — Moskvan tobmudele. Tühjitihe ruhtinazkundad vl 1605, jäl'gmäižel Venämas. Ruhtinasen pert'kulu om kaičenus tähäsai (15. voz'sadan sauvuz), jäi üks'jäine mugoine valdkundas. Ugličun Kremlin pühäpertid oma kaičenus hüvin mugažo, rušihe Kremlin seinid 19. voz'sadan augotišes.
Vll 1719−1775 lidn oli Ugličun agjan (provincijan) keskuseks. Uglič sai Jaroslavlin agjan (gubernijan) makundan lidnan statusad vl 1777. Vll 1935−1950 Ugličun gidroelektrostancii om saudud. Ugličun vezivaradim om täuttud vl 1939. Vspäi 1940 Uglič-raudtestancii om 48-kilometrižen sarakon Kaläzinaspäi (Tverin agj) lopstancii. Suren sodan aigan lidn ei olend okkupacijan zonas.
Uglič šingotase časuiden tegimel, metalližpaloiden tehmižel, söm- i energomašiništon tegimil, elektrokabeliden da veimiden pästandal, plastiktegesil (šlangad, septikad), sömtegimištol (sagud i maidproduktad, leibtegesed, mineraline vezi), jogiportal i turizmal (14 muzejad, 9 adivpertid), mugažo mebel'fabrik i meckombinat ratas lidnas.
Geografijan andmused
Lidn sijadase Volgan oiktal randal tobjimalaz, 120 m ü.m.t. keskmäižel korktusel. Avtotesild ühtenzoitab Volgan randoid GES:an padoseinädme. Ugličun hurarandpol'ne pala seižub Volgan huran Korožečn-ližajogen (ven.: Корожечна) oiktal randal mugažo. Matkad Jaroslavlihesai om 93 km päivnouzmha orhal, 113 km avtol vai 300 km raudtel. Lähembaine lidn om Miškin 30 km pohjoižhe orhal vai 38 km avtotedme.
Uglič om lidnankundan üks'jäine eländpunkt.
Eläjad
Vn 2010 Venäman rahvahanlugemižen mödhe lidnan eläjiden lugu oli 34 507 ristitud, rajonan seičeme kümnendest. Kaikiš suremb lidnan ristitišt oli enamba 39 tuhad eläjid vll 1979−1992 (39 975 rist. vl 1989). Ortodoksižen hristanuskondan koume jumalankodid da 23 jumalanpertid oma olmas lidnas.
Koume Ugličun kolledžad oma professionaližen opendusen aluzkundoikš: agrariž-politehnine[1], mehaniž-tehnologine, industrialiž-pedagogine. Venäman argvoin da sagudan tehmižen tedoinstitut sijadase lidnas.
Homaičendad
Irdkosketused
- Lidnankundan tobmuden aluzkundoiden oficialine sait (любим-адм.рф). (ven.)
- Lidnan informacine sait (uglich-online.ru). (ven.)
Uglič Vikiaitas |
Jaroslavlin agjan lidnad | ||
Danilov | Gavrilov Jam | Jaroslavl' | Lübim | Miškin | Pereslavl' Zalesskii | Pošehonje | Ribinsk | Sur' Rostov | Tutajev | Uglič | ||