Bordo (lidn): Erod versijoiden keskes

Lidn sijadase [[Garonn]]-jogen lanktendan sijas [[Atlantine valdmeri|Atlantižhe valdmerhe]], 1..42 m korktusil, 6 m ü.m.t. keskmäižel korktusel. Istorine keskuz sijadase jogen hural randal. Jogen estuarii nimitase ''Žirond:aks'' (fr. ''Gironde''), meriport radab sen randal (9 mln tonnoid jüguid vodes). Kahesakümnekilometrine estuarii ühtenzoitase [[Biskaine laht|Biskaižen lahtenke]]. Matkad [[Pariž]]hasai om 500 km pohjoižpäivnouzmha orhal vai 582 km avtotedme, voib sadas sihesai TGV-kiruhjonusel kahtes časus.

Vl 2012 eläjiden lugu oli 241 287 ristitud. Vl 2015 ühthemänho 937 218 ristitud elihe lidnümbrikos (fr. ''arrondissement'') 1522 km² pindal. Kaik 1,2 mln eläjid oli lidnaglomeracijas 5 613,41 km² pindal (2013), kudenz' sija Francijas.