Slavsk

Slavsk (ven.: Славск, saks.: Slawsk, litv.: Gastos / Slavskas, pol'š.: Sławsk / Jędrzychowo; edel 1946 vot Hainrihsval'de, saks.: Heinrichswalde «Genrihan mec») om Venäman lidn Kaliningradan agjan pohjoižes. Se om Slavskan lidnümbrikon administrativine keskuz.

Slavsk
Славск

Lidnanznam
Valdkund	Venäma
Eläjiden lugu (2017)	4,145 ristitud
Pind	10 km²
Pämez'	Igor' Rudenkov (reduku 2015—)
Telefonkod	+7−40 163-xx-xxx
Avtokod	39, 91
Aigvö	UTC+2 (MSK−1)

Istorii

Eländpunktan aluz om pandud vl 1292. Vspäi 1890 om mineralveden kurortaks. Vl 1891 «Königsberg — Til'zit»-raudte läbiti žilod. Vl 1939 sai lidnan statusad. Suren sodan aigan Rusked Armii anasti lidnad torata vn 1945 20. päiväl vilukud.

Lidn šingotase sömtegimišton edheotandoil (maidproduktad, lihaedheotand, leibän pästand) i elektropaloiden tegimel, mugažo kurortaks.

Geografijan andmused

Lidn sijadase 2 m ü.m.t. keskmäižel korktusel. Matkad Litvanman röunhasai om 15 km pohjoižpäivnouzmha orhal, lähembaine kontrol'punkt sijadase Sovetskas (lähembaine lidn) 16 km päivnouzmha kaikil teil. Matkad Kaliningradhasai om 120 km suvipäivlaskmha kaikil teil. Uz' Slavsk-raudtestancii (ven.: Славск-Новый) om sauptud, vaiše seižutez om lidnas.

Eläjad

Vn 2010 Venäman rahvahanlugemižen mödhe eläjiden lugu oli 4 614 ristitud, lidnümbrikon videndez. Kaikiš suremb lidnan ristitišt oli 5 172 rist. vl 2002. Hristanuskondan koume pühäpertid om olmas lidnas.

Irdkosketused

• Lidnümbrikon tobmuden aluzkundoiden oficialine sait (slavsk.info). (ven.)
• Slavskan lidnümbrik Kaliningradan agjan ohjastusen gov39.ru-saital. (ven.)