Nil: Erod versijoiden keskes

'''Nil''' ([[araban kel'{{lang-ar|arab]].: النيل‎}} ''En Nil' '', [[koptan kel'|kopt]].: ''P(h)iaro'', [[amuižegiptan kel'|amuižegipt]].: ''Ḥ'pī'' da ''Iteru'', Biblijan [[ivrit]]: היאור ''Ha-Ye'or'') om kaikiš pidemb jogi [[Afrik]]as da mail'mas (kut [[Amazonas]]-ki).

Jogen piduz om 6 853 km, basseinan pind om 3,4 mln nellikkilometrid. Veden keskmäine mülü om 2 600 m³/s [[Asuanan padosein]]äspäi, veden valu voib vajehtadas edel padoseinid 500..15000 m³/s röunoiš erazvuiččil vozil.

Nilan joginišk om [[Viktorii (järv)|Viktorii-järv]] 350 m kortte valdmeren pindan päl, jogi nimitase kuti ''Vauged Nil''. Se jokseb ühthe kaikiš surembanke ''[[Sinivauvaz Nil]]''-ližajogenke läz [[Hartum]]-lidnad. Necile sijale Vauged Nil kadotab veden mülün enambust purutusen da kastelendan tagut, i sur' znamoičend om Sinivauval Nilal. Ei ole ližajogid pidust' jäl'gmäšt 3 tuh. km. Nilan kos'ked oma upotadud padoseiniden sauvondal Sudanas i Egiptas ([[Naseran järv]]). Jogi lankteb [[Keskmeri|Keskmerhe]] [[Nilan suhišt|äjil hijamil]].

Nilan znamasižed ližajoged (mödvedhe): [[Sobat (jogi)|Sobat]], [[Sinivauvaz Nil]], [[Atbar (jogi)|Atbar]] (oiktad), [[El' Gazal']] (hura). Enzne sur'järed hura ''Pakuine Nil''-ližajogi om kuivanu 3 tuhad vot tagaz klimatan kuivatesen tagut, Hovar-ojandeh jäi sen tagut.