Počep (ven.: Почеп) om Venäman lidn da lidnankund Bränskan agjan keskuzpalas. Se om Počepan rajonan administrativine keskuz.

Počep
Почеп
Lidnanznam
Герб Почепа.jpg
Valdkund Venäma
Eläjiden lugu (2017) 16,663 ristitud
Pind 19,93 km²
Počep Почеп
Telefonkod +7−48 345-xx-xxx
Avtokod 32
Aigvö UTC+3 (MSK+0)


Voskresenskii päjumalanpert' Počepas (läz 1771)

IstoriiRedigeeri

Eländpunkt mainitase ezmäižen kerdan vl 1447[1]. Oli lidnuseks 16.-17. voz'sadal, sen mapudotesed oma kaičenus lidnanno tähäsai. Žilo sai lidnan statusad vl 1925. Vozil 1941 (22. eloku) — 1943 (21. sügüz'ku) oli okkupiruidud nacistižen Germanijan sodavägil, tegihe sijaližiden evrejalaižiden rikondad — 1800 ristitud. Ei ole himižen azegišton varoid lidnan ümbrištos (oli Venäman kudendez), likvidiruihe niid täuzin.

Počepan ižandusen päsarakod oma sömtegimišt (pästtas leibäd, maidod, void, kanaproduktoid) i mecan ümbriradmine, mugažo omblendfabrik om olmas.

Geografijan andmusedRedigeeri

Lidn sijadase Sudost'-jogen randoil (Desnan oiged ližajogi), 150 m ü.m.t. keskmäižel korktusel. Matkad Bränskhasai om 84 km pohjoižpäivnouzmha avtotedme vai raudtedme. Lähembaižed lidnad (avtotedme) oma Trubčevsk 51 km suvipäivnouzmha, Uneč 64 km päivlaskmha i Mglin 48 km lodeheze.

Počep om lidnankundan üks'jäine eländpunkt.

EläjadRedigeeri

Vn 2010 Venäman rahvahanlugemižen mödhe eläjiden lugu oli 17 161 ristitud, rajonan nell' ühesandest. Kaikiš suremb lidnan ristitišt oli 18 200 eläjad vozil 1998−2001.

Počepan mehaniž-agrarine tehnikum[2] om professionaližen opendusen aluzkundaks.

TransportRedigeeri

Počep-raudtestancii om olmas lidnas vspäi 1887 «BränskGomel'»-jonol. Avtote «Bränsk — Gomel'» läbitab lidnan suvipalad.

HomaičendadRedigeeri

  1. «Пану Захари Почапъ, а Сетолоска, а Бобынина земля, а Шумърома; у вотъчину. Инъдик[тъ] 10. Панъ Монивидъ». // Литовская метрика. Т. I. — Piter, 1910. — Lp. 48. (ven.)
  2. Počepan mehaniž-agrarižen tehnikuman sait (pocheptechn.ucoz.ru). (ven.)

IrdkosketusedRedigeeri



Bränskan agjan lidnad
Bränsk | Dät'kovo | Fokino | Karačev | Klincad | Mglin | Novozibkov | Počep | Sel'co | Sevsk | Starodub | Suraž | Zlink | Žukovk | Trubčevsk | Uneč