Louhi

Louhi (vep., karj. i suom.)
Лоухи (ven.)
Lidnanznam;	Flag;
Valdkund	Venäma
Eläjiden lugu (2016)	4,080 ristitud
Pind	29,2 km²
Pämez'	Sergei Lebedev; (2009—)
Telefonkod	+7−81 439-xx-xxx
Avtokod	10
Aigvö	UTC+3 (MSK+0)

Louhi (mugažo karjalan i suomen kelil; ven.: Лоухи) om Venäman lidnanvuitte žilo da raudtesol'm Karjalan Tazovaldkundan pohjoižes. Se om Louhin rajonan administrativine keskuz da kaikiš suremb eländpunkt, mugažo Louhin lidnankundan keskuz.

Istorii vajehta

Eländpunktan aluz om pandud vl 1913 kuti stancii Petroskoi — Murmansk-raudtekeskustal. Vl 1944 Louhi-külä sai lidnanvuiččen žilon statusad.

Kalevalan mödhe, Louhi-akaine, Pohjolan emändaine, eli neniš tahoiš. Žilon nimituz om sidodud hänehe.

Geografijan andmused vajehta

Žilo sijadase rajonan päivnouzmas, mecjärviden keskes, 90 m valdmeren pindan päl keskmäižel korktusel. Panovo-järv om kaikiš znamasižemb žilos, no äjan järedambad järved sijadasoiš severziš-se kilometriš sišpäi — oz., Plotičnoje i Kenjärv. Matkad Petroskoihesai om 481 kilometrad suvhe orhal, 552 km avtotedme. Lähembaižed lidnad oma Kem' da Kandalakš, pol'tošt sadad kilometrid jogahižhesai.

Klimat om ven pohjoižmeriden. Voden keskmäine lämuz om +0,2 C°.

Tobmuz vajehta

Kaik kümne ezitajad mülüdas Lidnankundan Nevondkundha (ven.: Совет поселения). Valitihe heid järgenduseližen kerdan vn 2013 sügüz'kun 8. päiväl (koumanz' kucund)^[1].

Sergei Lebedeb radab lidnankundan pämehen vn 2009 redukun 11. päivän valičendoiden jäl'ghe kahtenden strokun jäl'geten. Hänen valdatusiden strok om nell' vot.

Eläjad vajehta

Kaikiš suremb žilon ristitišt oli 6 107 eläjad vl 1959, i 6 405 eläjad vl 1989. Vn 2002 Venäman rahvahanlugemižen mödhe eläjiden lugu oli 5 920 ristitud, vl 2010 — 4 772 ristitud. Rajonan ristitišton koumandez eläb žilos.

Hristanuskondan kaks' pühäpertid om žilos.

Ižanduz da transport vajehta

Ižandusen sarakod oma mecižandusen edheotand, raudten edheotand, avtotesauvondan kompanijan palakund, maižanduzedheotand.

Raudte läbitab žilod päivnouzmas, «Kol»-avtote ümbärdab žilod koumes kilometras päivlaskmas. Raudtesarak Päjärvhesai lähteb päivlaskmha Louhišpäi pidust' žilon pohjoižröunad, sarak om 110 km pitte.

Kul'turpert', lapsidensädamižen pert' i kirjišt oma avaitud žilos. Opendusen aluzkundad oma alaškol, keskškol, lapsidenmuzikškol, lapsidensportškol.

Homaičendad vajehta

↑ Выборы депутатов Лоухского городского поселения третьего созыва (Louhin lidnkundan ezitajiden valičendad - koumanz' kucund). — Tedod mänijoiš valičendoiš da referendumiš // Venälaižen Federacijan keskuzline valičemižlaudkund (vybory.izbirkom.ru). (ven.)

Irdkosketused vajehta

Louhin lidnankundan lehtpoled rajonan oficialižel louhiadm.ru-saital. (ven.)

Louhi Vikiaitas

[1] Выборы депутатов Лоухского городского поселения третьего созыва (Louhin lidnkundan ezitajiden valičendad - koumanz' kucund). — Tedod mänijoiš valičendoiš da referendumiš // Venälaižen Federacijan keskuzline valičemižlaudkund (vybory.izbirkom.ru). (ven.)

[1]

Lidnanznam	Flag
Valdkund	Venäma
Eläjiden lugu (2016)	4,080 ristitud
Pind	29,2 km²

Pämez'	Sergei Lebedev (2009—)
Telefonkod	+7−81 439-xx-xxx
Avtokod	10
Aigvö	UTC+3 (MSK+0)