Avaita pämenü
Lambaz
Lambaz
Lambaz
Tedoklassifikacii
Valdkund: *
Tip: Sel'gjäntkeižed (Chordata)
Klass: Imetaiživatad (Mammalia)
Heimkund: Šorpkabjaižed (Artiodactyla)
Sugukund: Pall'azsar'vižed (Bovidae)
Heim: Oinhad (Ovis)
Erik: Lambaz
Latinankel'ne nimi
Ovis aries (Linnaeus, 1758)

Wikispecies-logo.svg
Sistematik
Vikierikoiš

Commons-logo.svg
Kuvad
Vikiaitas

ITIS 552475
NCBI 9940

Lambaz (latin.: Ovis aries) om kabjživat, mülütadas Pall'azsar'vižed-sugukundha (Bovidae).

Lambhan ižač om bošak, vai oinaz. Lambhanpoigaine om vodn (vodnaz).

LugumärRedaktiruida

Vl 2013 kaik oli 1 172 mln lambhid mail'mas. Valdkundad järedanke lambazvodindanke: Kitai — 185 mln lambhid, Avstralii — 89 mln, Indii — 75 mln, Sudan — 52 mln, Iran — 50 mln, Nigerii — 39 mln, Sur' Britanii — 33 mln, Uz' Zelandii — 30 mln.

Om olmas enamba 200 lambhan sugud.

Ümbrikirjutand i kävutandRedaktiruida

Živat om kodikoittud nügüdläižen Turkanman territorijas 8 tuhad vot tagaz.

Täuz'kaznuded ižačud oleldas 70..160 kg (rekord 247,2 kg), emäčud 45..100 kg. Ižačud oma sar'vekahad tobjimalaz, emäčuil voib olda penid sar'vid. Sägun korktuz om 55..100 sm, hibjan piduz — 60..110 sm. Kandand vedase viž kud. Elädas 10..12 vodhesai. Lambaz om märehživat, otab sötkeks heinäsižid kazmusid, ei navedi karktoid heinid.

Kävutadas villad karvaspäi, lihad, maidod (tehmaha brinzad), razvad i ket; ottas kaclendtegoihe model'organizmikš (oz., Dolli-lambhaine).

Lambhaze sidotud vepsän tärtusedRedaktiruida

  • Baši-baši, čke-čke — sanad kucumha lambhid.
  • Keričimed — raudad lambhid keričemha.
  • Kezi — lambaznahk.
  • Lambazlävä — sauvuz lambhid pidamha.
  • Lambaznik — lambhiden pidai.
  • Tal'vill — keritud kevädel lambazvill.

Lambhaze sidotud vepsän muštatišed da ozoitesedRedaktiruida

MuštatišedRedaktiruida

  • Armaz kuti hahk lambaz verhas läväs.

OzoitesedRedaktiruida

Iče Timoi karvakaz, kauhtanaine villakaz (lambaz).

HomaičendadRedaktiruida