Lahdenpohjan rajon

Lahdenpohjan rajon
Лахденпохский район (ven.)
Lahdenpohjan piiri (suom.)
	Znam;
Valdkund	Venäma
Administrativine keskuz	Lahdenpohj
Eläjiden lugu (2016)	13,455 ristitud
Pind	2,180 km²

Lahdenpohjan rajon (venäkelel: Лахденпохский район, suom.: Lahdenpohjan piiri) om municipaline ühtnik Karjalan Tazovaldkundas, Venälaižes Federacijas.

Administrativine keskuz om Lahdenpohj-lidn. Siš eläb rajonan ristitišton viž ühesandest.

IstoriiRedigeeri

Kurkijokin rajon oli sätud vn 1940 heinkus enččel Suomenman territorijal, sidä anttihe Tal'vsodan jäl'ghe. Kurkijoki-žilo tegihe rajonan keskuseks. Vspäi 1941 (15. eloku) vhesai 1944 (sügüz'ku) Suomenman sodaväged oliba rajonas. Vl 1945 vilukun 20. päiväl sirtihe rajonan keskust Lahdenpohjaha. Vl 1958 keväz'kun 12. päiväl likvidiruihe sidä rajonad.

Vl 1970 tal'vkun 22. päiväl erištuihe Lahdenpohjan rajonad Sortaval-lidnale alištunudes territorijaspäi.

Geografijan andmusedRedigeeri

Lahdenpohjan rajon om Karjalan Tazovaldkundan suvipäivlaskmaine taho. Pind — 2 180 nellikkilometrad (17nz' sija tazovaldkundas 18späi).

Om röunoid 3 Venäman rajonanke, mugažo Suomenmanke:

pohjoižpäivnouzmas Karjalan Tazovaldkundan Sortavalan rajonanke;
suves Leningradan agjan Priozerskan rajonanke;
suvipäivlaskmas Leningradan agjan Viipurin rajonanke;
lodehes Suomenman Suvikarjal-agjanke.

Ladog lainištab rajonan suvipäivnouzmaižid randoid. Joged mülüdas Atlantižen valdmeren basseinha.

Londuseližed varad oma grafit, mec, kala, reskvezi.

Vspäi 2005 rajonan territorii jagase 5 municipaližhe ühtnikha: 1 lidnankund da 4 küläkundad.

EläjadRedigeeri

Vn 2002 Venäman rahvahanlugemižen mödhe eläjiden lugu oli 16 391 ristitud, vl 2010 — 14 235 ristitud.

Kaik om 51 eländpunktad rajonas (vl 2005), sidä kesken 1 lidn da 50 külänvuittušt žilod.

Ei ole toižid surid eländpunktoid (Kurkijoki-žilo — 933 rist. vl 2013).

Rahvahad (vn 2002 Venäman rahvahanlugemižen mödhe, enamba 0,4%)^[1]: venälaižed — 82,5%, vaugedvenälaižed — 6,5%, ukrainalaižed — 4,3%, karjalaižed — 2,1%, čuvašalaižed — 1,0%, totarlaižed — 0,9%, suomalaižed — 0,7%, toižed rahvahad — 2,0%, rahvahuden ozutandata — 0,01%.

Vl 2002 kaik 21 vepsläšt elihe rajonas (0,13% sen ristitištospäi).

IžanduzRedigeeri

Rajonan ižandusen päsarak om turizm^[2], sikš miše se om karjalan rahvahan formiruindan geografine keskuz.

HomaičendadRedigeeri

IrdkosketusedRedigeeri

[1] Справка об исторических, культурных, демографических и национальных особенностях Лахденпохского района (Tedonandmine Lahdenpohjan rajonan istorižiš, kul'turižiš, demografižiš da rahvahaližiš eriližusiš). — Karjalan Tazovaldkundan Ohjastuz (gov.karelia.ru). (ven.)

[2] Туристский потенциал: Лахденпохский район (Turizman voimused: Lahdenpohjan rajon). — Karjalan Tazovaldkundan Ohjastuz (gov.karelia.ru). (ven.)

[1]

[2]

Znam
Valdkund	Venäma
Administrativine keskuz	Lahdenpohj
Eläjiden lugu (2016)	13,455 ristitud
Pind	2,180 km²