Ladv (Karjalan Tazovaldkund)

Ladv (karj.: Ladv / Ladvu, ven.: Ла́два, suom.: Latva) om vepsän i venän žilo Venäman Karjalan Tazovaldkundan Änižröunan rajonan suves, Leningradan agjan röunanno. Se om Ladvan küläkundan administrativine keskuz.

Ladv (vep.)
Ladv / Ladvu (karj.)
Ладва (ven.)
Latva (suom.)

Valdkund	Venäma
Eläjiden lugu (2013)	2,132 ristitud
Pämez'	Svetlana Nesterova (sügüz'ku 2017—)
Telefonkod	+7−8142-xxx-xxx
Avtokod	10
Aigvö	UTC+3 (MSK+0)

Sil sanal voib olda toižid znamoičendoid; miše nähta niid, tulgat tänna.

Ph. Mikulai-čudonsädajan jumalanpert', vn 2020 nägu

Istorii

Eländpunkt mainitase ezmäižen kerdan 16. voz'sadal. Enččes oli lidnanvuiččeks žiloks, sädihe 19 toižes eländpunktaspäi. Vll 1946−1962 Änižröunan rajonan keskuz sijazihe Ladvas.

Ladv šingotase mecan varhapanendal, sömtegimištol (saguden tehmine), živatvodindan «Majak»-edheotandal (lehmiden äikerdoičend i maidon tehmine).

Geografijan andmused

Žilo seižub pidust' Ivin /Ivenk-jogen randad (ven.: Ивина / Ивенка, Süvärin oigedpol'ne bassein). Kaik om 14 irdad i nell' kujod žilos. Matkad Petroskoihesai (rajonkeskuz) om 50 km pohjoižhe.

Ladv-raudtestancii sijadase Ladv-Sarak-žilos kahesas kilometras päivlaskmha orhal, 13 km avtotedme vai Ivinan ülezjogen, se stancii om lähembaine.

Eläjad

Vl 1959 radnikžilon eläjiden lugu oli 4 170 ristitud. Vn 2010 Venäman rahvahanlugemižen mödhe eläjiden lugu oli 2 145 ristitud.

Ortodoksižen hristanuskondan naižjumalankodi i koume jumalanpertid oliba 1930-nzihe vozihesai. Nügüd'aigan üks'jäine ph. Mikulai-čudonsädajan jumalanpert' om avaitud, kivine vspäi 1865.

Rahvahad oma vepsläižed da venälaižed.

Valdkundaližed büdžetižed aluzkundad oma keskškol nomer 4, päivkodi, kul'turkeskuz.

Irdkosketused

• Ladvan küläkundan oficialine sait (ladva-karelia.ru). (ven.)
• Ladvan küläkundan lehtpol' Änižröunan rajonan oficialižel prionego.ru-saital. (ven.)