Ščigri (ven.: Щигры́) om Venäman lidn da lidnümbrik Kurskan agjan pohjoižpäivnouzmas. Se om Ščigrin rajonan administrativižeks keskuseks mugažo, ei mülü sihe.

Ščigri
Щигры
Lidnanznam
Valdkund Venäma
Eläjiden lugu (2018-01-01) 15,292 ristitud
Pind 21 km²
Ščigri Щигры
Pämez' Igor' Žitnäk
(keväz'ku 2017—)
Telefonkod +7−47 145-xx-xxx
Avtokod 46
Aigvö UTC+3 (MSK+0)

Istorii vajehta

Eländpunkt oli lidnuseks 17.-18. voz'sadoil i Troickoje-žiloks senno. Žilo sai makundan lidnan oficiališt statusad nügüdläiženke nimitusenke vl 1779, nimitihe jogen mödhe. Jogen nimi znamoičeb venäkelen sijaližes paginaspäi ištutadud mecad kukhan päl varmitamha vanoid. Vl 1894 raudte läbiti lidnad. Toižen mail'man sodan aigan lidn oli okkupiruidud nacistoil (21. kül'mku 1941 — 5. uhoku 1943). Fosforitan samine mäni lidnas 1930−1960-nzil vozil.

Ščigri šingotase kivivoimašiništon i buraudamižčuhundusiden tegimel, sauvondmaterialiden pästandal (räzinižen lavakrepindan edheotand, savičtegim), höunehfabrikal, sömtegimištol (lihakombinat, leibkombinat, voitegim).

Geografijan andmused vajehta

Lidn sijadase Ščigor-jogen oiktal randal tobjimalaz (ven.: Щигор 36 km pitte, Donan üläjoksmusen oigedpol'ne bassein), 204 m ü.m.t. keskmäižel korktusel. Pened vezivaradimed oma saudud Ščigor-jogel da sen ližajogil lidnan südäimes. Matkad Kurskhasai om 53 km päivlaskmha-suvipäivlaskmha orhal, 62 km avtotel vai raudtel, se-žo lähembaine lidn. Ščigri-raudtestancii radab lidnan päivlaskmas «Kursk — Voronež»-keskustal, toine raudtestancii-platform om Udobritel'nai (ven.: Удобрительная, vspäi 1931) lidnan päivnouzmas.

Ščigri om lidnümbrikon üks'jäine eländpunkt.

Eläjad vajehta

Vl 1939 lidnan ristitišt oli 7 639 eläjad. Vn 2010 Venäman rahvahanlugemižen mödhe eläjiden lugu oli 17 040 ristitud. Kaikiš suremb lidnan ristitišt oli 20..21 tuhad eläjid vll 1979−2001 (21 400 rist. vl 1992). Ortodoksižen hristanuskondan Pühän Stroican päjumalanpert' (kivine om saudud vl 1801), jumalanpert' i kaks' časounäd oma olmas lidnas, baptizman pühäpert' radab.

Rahvahad (2010): venälaižed — 97,8%, toižed rahvahad — 2,2%.

Professionaližen opendusen aluzkundad oma Nevondkundaline (Sovetskii) socialiž-agrarine tehnikum — Ščigrin filial i Kurskan bazine medicinine kolledž — Ščigrin filial[1].

Galerei vajehta

Homaičendad vajehta

  1. Kurskan bazine medicinine kolledž — Ščigrin filialan sait (kolmed.ru). (ven.)

Irdkosketused vajehta



Kurskan agjan lidnad
Dmitrijev | Fatež | Kurčatov | Kursk | L'gov | Obojan' | Ril'sk | Sudž | Ščigri | Železnogorsk