Änine, Änine-jogi vai Änižjogi (ven.: Онега) om Venäman jogi Arhangel'skan agjan päivlaskmas.

Änižjogi Severoonežskas
Änižjogen bassein

ÜmbrikirjutandRedigeeri

Jogen piduz om 416 km, basseinan pind om 56 900 km². Lähteb Lač-järvespäi 118 m ü.m.t., lankteb Vauktha merhe. Jogen sistem i Änine-järven bassein ei kosketagoi toine tošt, ka tedomehed ezimeletadas, miše pojavad nimed libudas erištadud parallelišpäi.

Randad oma korktahkod, kazvahtunuded mecal. Om luhtoid keskjoksmuses. Znamasižed ližajoged oma Vološk, Moš, Kodin, Mudjug, Nel'nüg, Vongud (oiktad), Ken, Iks, Kož, Pon'g (hurad).

Jogen vezi om lumen augotižlibundanke tobjimalaz. Vedhuz reguliruiše joginiškan i ližajogiden järvil. Sur'vezi oleskeleb semendkus-kezakus. Jogi jädub redukun lopus — tal'vkun augotišes, kos'kil vilukus-uhokus; sulab sulakun keskes — semendkus.

KävutandRedigeeri

Änine-jogi om kos'kekaz, ottas laivjogeks joginiškas (6 km) i jogensuspäi (30 km). Ende kävutihe vuigonkan täht. Kargopol'-lidn sijadase joginiškanno, Severoonežsk-žilo keskjoksmuses, Oneg-lidn — jogensunno. Lidnad oma mecan ümbriradmižen keskused. Sadas lohed i navagad jogensus.

HomaičendadRedigeeri



  Nece kirjutuz om vaiše ezitegez. Tö voit abutada meile, ku kohendat sidä da ližadat sihe.