Änine (jogi)

Änine, Änine-jogi vai Änižjogi (ven.: Онега) om Venäman jogi Arhangel'skan agjan päivlaskmas.

Änižjogi Severoonežskas

Änižjogen bassein

Jogen piduz om 416 km, basseinan pind om 56 900 km². Lähteb Lač-järvespäi 118 m ü.m.t., lankteb Vauktha merhe. Om laivjogeks erasil sijil. Kargopol'-lidn sijadase joginiškanno, Severoonežsk-žilo keskjoksmuses, Oneg-lidn — jogensunno.

Znamasižed ližajoged oma Vološk, Moš, Kodin, Mudjug, Nel'nüg, Vongud (oiktad), Ken, Iks, Kož, Pon'g (hurad).

Jogen vezi om lumen augotižlibundanke tobjimalaz. Vedhuz reguliruiše joginiškan i ližajogiden järvil. Sur'vezi oleskeleb semendkus-kezakus. Jogi jädub redukun lopus — tal'vkun augotišes, kos'kil vilukus-uhokus; sulab sulakun keskes — semendkus. Änine om kos'kekaz, ottas laivjogeks joginiškas (6 km) i jogensuspäi (30 km). Ende kävutihe vuigonkan täht.

Homaičendad

Nece kirjutuz om vaiše ezitegez. Tö voit abutada meile, ku kohendat sidä da ližadat sihe.