Visbü (roč.: Visby [ˈvǐːsbʏ]) om Ročinman Ganzan lidn Gotland-sarel, sen agjan da üks'jäižen kommunan administrativine keskuz.

Visbü
Visby
Lidnanznam
Valdkund Ročinma
Eläjiden lugu (2020) 24,951 ristitud
Pind 14,53 km²
Visbü Visby
Telefonkod +46-(0)498
Aigvö tal'vel UTC+1,
kezal UTC+2

Istorii vajehta

Eländpunkt mainitase ezmäižen kerdan vl 900. Nimituz znamoičeb «pühäandoiden külä» amuižskandinavijan kelel. Oli järedaks keskaigan. Vll 1361−1645 lidn oli Danijan palaks.

Nügüdläine Visbü om populärine turistine čuraduz, sen vanh lidn mülüb UNESCO:n Mail'man jäl'gushe vspäi 1995. Lidnusen sein 3,4 km pitte om kaičenus.

Visbü šingotase meriportal, tulleielektrostancijal, turizmal, penil edheotandoil (seičeme tuhad kompanijoid kaikes agjas), sodavägiden palakundoil. Mail'man ekologižen foruman päfater sijadase lidnas.

Geografijan andmused vajehta

Lidn sijadase saren päivlaskmas, Baltijan meren randal. Vanh lidn om saudud londuseližes merikaras ümbri kall'oil mouckivespäi. Ehtatim i lendimport ühtenzoittas kontinentanke.

Klimat om ven valdmeren. Üks' kaikiš päipaštokahiš Ročinman lidnoišpäi kezaaigan. Voden keskmäine lämuz om +7,8 C°, heinkun-elokun +17..+18 C°, tal'vkun-keväz'kun 0..+2 C°. Ekstremumad oma −22 C° i +33 C°. Paneb sadegid 533 mm vodes, vähemba keväz'kus-semendkus (25..29 mm kus).

Eläjad vajehta

Vl 2005 lidnan eläjiden lugu oli 22 236 ristitud 12,08 km² pindal. Kaikiš suremb ristitišt om nügüd', agjan nell' ühesandest.

Uppsalan universitetan Gotland-kampus radab lidnas vspäi 2013, sen aluz om pandud kut erigoittud Gotlandan universitetine kolledž vl 1998 (2,5 tuh. üläopenikoid vl 2009).

Irdkosketused vajehta