Vesprem (agj)

Vesprem (mad'j.: Veszprém megye [ˈvɛspreːm ˈmɛɟɛ]) om üks' Mad'jaranman agjoišpäi. Sen administrativine keskuz da kaikiš suremb lidn om Vesprem.

Vesprem-agjan kart

Sil sanal voib olda toižid znamoičendoid; miše nähta niid, tulgat tänna.

Geografijan andmused

Agj levigandeb valdkundan päivlaskmas. Bakon'-mäged ottas agjan keskuzlišt da suvišt palad. Balaton-järv om agjan suviröunaks.

Vesprem-agj röunatab kudenke agjanke: Vaš om päivlaskmas, D'jor-Mošon-Šopron om pohjoižes, Komarom-Estergom sijadase pohjoižpäivnouzmas, Fejer päivnouzmas, Šomod' suves, Zal levigandeb suvipäivlaskmas.

Pind om 4 463,65 nellikkilometrad.

Administrativine jagand

Agjan rajonad vspäi 2013

Vesprem-agj jagase kümneks jarašaks (rajonaks). Edel vn 2013 administrativišt reformad ühesa kišteršegad (rajonad) oli niiden sijas.

Lidnad

Neciš agjas om vižtoštkümne lidnad:

• Aik (Ajka)
• Badačon'tomai (Badacsonytomaj)
• Balatonal'madi (Balatonalmádi)
• Balatonfüred (Balatonfüred)
• Balatonfüzfö (Balatonfűzfő)
• Balatonkeneše (Balatonkenese)
• Berhid (Berhida)
• Devečer (Devecser)
• Herend (Herend)
• Pap (Pápa)
• Sümeg (Sümeg)
• Tapol'c (Tapolca)
• Varpalot (Várpalota)
• Vesprem (Veszprém) — agjan administrativine keskuz
• Zirc (Zirc)

Lidnoihe ližaks, om olmas 202 žilod Vespremas, niiden kesken kaks' žilod oma sured.

Eläjad

Vn 2011 Mad'jaranman rahvahanlugemižen mödhe agjan ristitišt oli 353 068 eläjad, vl 2015 — 346 647 eläjad. Kaikiš suremb eläjiden lugu oli 377 746 ristitud vl 1980.

Uskondan mödhe (2011): riman katolikad — 47,2 %, kal'vinistad — 8,6 %, lüteranižusen polenpidajad — 3,6 %, grekan katolikad — 0,2 %, toižed uskojad — 1,3 %, religijatomad — 12,2 %, ateistad — 1,1 %, märhapanendata — 25,8 %.

Irdkosketused

• Vesprem-agjan oficialine sait (vpmegye.hu). (mad'j.)