Tullei

Tullei vai Döl om erazvuiččiden gazoiden valuiden likund, puhub gorizontaližhe čuradushe atmosferas. Mal se om il'man valud, todas sän vajehtusid i levitadas sadegid, märitas metril sekundpigudes paksumba kaiked.

Tulleid erinesoiš vägen mödhe: brizaspäi uraganhasai. Klassificiruidas masštaban, hätkeližusen (torokoikaz tullei, briz, fön, musson, passat), čuradusen i augotižlibundan mödhe mugažo. Kaikenaigaižed kovad tulleid voidas veda travijoihe valatoitusihe ümbrištos (erozijad i m. e.). Lühüdaigaine kova tullei voib mureta ristitun sauvusid.

Ristitun ižanduz kävutab tullein energijad, elektrostancijad-tulleifermad sätas elektrust pahoita čudegita. Enččel levitadud avaros purehlaivad i tulleimellicad radoiba tullein abul, nügüd' il'mšurud i jahtad ottas kävutamižhe tullein väged. Tullei abutab levitada kazmusiden semnid.

Tulleihe sidodud vepsän tärtused vajehta

Lendandtullei — loptuh-läžund.
Muiged tullei — tullei vilunke.
Tulleikibu — läžund tullein rahkoišpäi.
Tulleipeza — kuhmun toižend pus.

Tulleihe sidodud vepsän muštatišed da ozoitesed vajehta

Muštatišed vajehta

Dölota koivuine ei koiverdelde.

Koir nutab, tullei kandab.

Kuna döl, sinnä i mel'.

Pohjoižtulleiš eile lämäd, emindamas eile mamad.

Päivnouzm ei heita tullein puhundad, kuni ei vihmu; ak ei heita lajindad, kuni ei itke.

Tullei päs käveleb.

Ozoitez vajehta

Vellen hebošt ei voi tabata, sizaren laudruzuid ei voi kerata. (ahav da taivaz)

Kacu mugažo vajehta

Homaičendad vajehta

Nece kirjutuz om vaiše ezitegez. Tö voit abutada meile, ku kohendat sidä da ližadat sihe.