Sibirine kuz'
Sibirine kuz'
Sibirine kuz' Šavl-jogen randoil (Altajan Tazovaldkund, Venälaine Federacii)
Tedoklassifikacii
Valdkund: Kazmused
Palakund: Kavag'kazmused (Pinophyta)
Klass: Kavag'kazmused (Pinopsida)
Kund: Pedaižed (Pinales)
Sugukund: Pedaižed (Pinaceae)
Heim: Kuz' (Picea)
Erik: Sibirine kuz'
Latinankel'ne nimi
Pícea obováta Ledeb., 1833


Sistematik
Vikierikoiš


Kuvad
Vikiaitas

ITIS 0
NCBI 331118

Sibirine kuz' (latin.: Picea obovata) om Kuz'-heimon puiden erik. Mülüb Pedaižed-sugukundha.

Pu kazvab 30 metrhasai kortte, tüvi oleleb 70 sm sankte. Kuz' om Sibirin mecan znamasine, se om pakaiženvastaine, voib kazda mahusil igähiženke rougunke. Kuzen kaikiš pohjoižemb erik, löutihe 71° pohjoižlevedust Taimiran jogiden alangištoiš. Pil'vesenvastaine, no vauktusennavedii erik. Pölüstoittud nored käbud seištas pihtan kartte, no kätas rippujikš küpsmižen aigan. Pu kävutase materialaks kuti järgeline kuz'-ki.

Sädab gibridoid järgeliženke kuzenke kebnas, oz., suomalaine kuz' (Picea × fennica) Evropan pohjoižpäivnouzmas. Kavag' om lühüdamb i nügumb, käbud oma penemb, semned küpsnedas sen-žo voden sügüz'kus, järgeližes kuzespäi erineden. Korejine kuz' om lähine erik morfologižikš, sibirine kuz' erineb penembil käbuil, vihandal kavagel hahkuseta i noril vezoil savukahudenke.

Alaerikod da toižendad vajehta

  • Pečoran kuz' (Picea obovata subsp. petchorica Govor.)
  • Sibirine sinivauvaz kuz' (Picea obovata var. coerulea Malyshev)
  • Sibirine kuz' uraline fastigiata (Picea obovata var. fastigiata Uralica Opletaev)

Homaičendad vajehta



  Nece kirjutuz om vaiše ezitegez. Tö voit abutada meile, ku kohendat sidä da ližadat sihe.