Pit'krandan rajon

Pit'krandan rajon (venäkelel: Питкярантский район, suom.: Pitkärannan piiri) om municipaline ühtnik Karjalan Tazovaldkundas, Venälaižes Federacijas.

Pit'krandan rajon
Питкярантский район (ven.)
Pitkärannan piiri (suom.)

Valdkund	Venäma
Administrativine keskuz	Pit'krand
Eläjiden lugu (2016)	18,249 ristitud
Pind	2,254 km²

Administrativine keskuz om Pit'krand-lidn. Siš eläb rajonan ristitišton nell' seičemendest.

Geografijan andmused

Pit'krandan rajon om Karjalan Tazovaldkundan suvipäivlaskmaine taho. Pind — 2 254 nellikkilometrad (15nz' sija tazovaldkundas 18späi).

Om röunoid Karjalan Tazovaldkundan 4 rajonanke:

• päivlaskmas da lodehes Sortavalan rajonanke;
• pohjoižpäivnouzmas Sojärven rajonanke;
• päivnouzmas Präžan rahvahaližen rajonanke;
• suvipäivnouzmas Olonecan rahvahaližen rajonanke.

Joged mülüdas Atlantižen valdmeren basseinha, kaik ned oma lühüdad da kohubad. Ladog lainištab rajonan suvipäivlaskmaižid randoid. Sen ližaks, läz kaht sadad penid järvid om olmas rajonas.

Londuseližed varad oma äimetalližed kivendod (vas'k, tin, raud), urankivend, sauvondmaterialad (rugižkivi, ozrikkivi, špat, šebin'), pol'kalližarvoižed kived (granatad), mec, reskvezi.

Vspäi 2005 rajonan territorii jagase 5 municipaližhe ühtnikha: 1 lidnankund da 4 küläkundad.

Eläjad

Vn 2002 Venäman rahvahanlugemižen mödhe eläjiden lugu oli 23 844 ristitud, vl 2010 — 19 895 ristitud.

Kaik om 36 eländpunktad rajonas (vl 2005), sidä kesken 1 lidn, 5 žilod, 1 raudtestancii da 29 küläd.

Toižed sured eländpunktad oma Läskel'-žilo (2,9 tuh. rist. vl 2013) da Salmi-žilo (2,2 tuh. rist. vl 2013).

Irdkosketused

• Pit'krandan rajonan oficialine sait (admin.pit.su). (ven.)
• Pit'krandan rajon Karjalan Tazovaldkundan oficialižel gov.karelia.ru-saital. (venäkelel)