Järgeline ozr
Järgeline ozr
Järgeližen ozran tähkad Slovenijas
Tedoklassifikacii
Valdkund: Kazmused
Palakund: Änikkazmused (Magnoliophyta)
Klass: Üksidülehtesižed (Monocotyledoneae)
Kund: Tähkänikoižed (Poales)
Sugukund: Tähkheinäd (Poaceae)
Heim: Ozr (Hordeum)
Erik: Järgeline ozr
Latinankel'ne nimi
Hordeum vulgare L., 1753


Sistematik
Vikierikoiš


Kuvad
Vikiaitas

ITIS 40874
NCBI 4513

Järgeline ozr (latin.: Hordeum vulgare), vai muite ozr, om Tähkheiniden sugukundan, Ozran heimon üks'vozne heinäsine kazmuz. Kul'tivirudas läz 10 tuhad vozid.

Ümbrikirjutand vajehta

Londuseline kazmuz om 30..60 sm kortte, kul'tursortuiden korktuz om 90 sanimetrhasai. Seikhed oma püštoiktad pal'had. Lapakod siledad lehtesed oma 30 sanimetrhasai pitte i 2..3 sm levette, om korvuzid alusenno. Sädab tähkid läz 10 sm pitte i pol'tošt sanimetrhasai sankte, jogahižen änik om üks'jäine. Tähkad oma kogotud koumin.

Pölüstoitase iče, no ristikoičii-ki pölüstoitand om voimusine. Änikoičeb kezakus-heinkus, küpsneb heinkus-elokus.

Vegetacine pord om 60..110 päiväd sorthu kacten. Semned voidas idäda +1..+3 C° lämudel, küpsneda +18 C° lämudel. Semetas ozimmaha paksumba kaiked.

Kävutand vajehta

Kävutadas söndtavaraks, tehnižeks kazmuseks, sötkeks. Tarbhaine torhuz oluden keitandan täht. Tehtas ozrsurint. Ozran vill' mülütab trahmalad i äi ližakahid vauktušid, ka villän enamba pol't lähteb furažaks, sötlemha maižanduzživatoid.

Ozrha sidodud vepsän tärtused vajehta

  • Ozražnik — ozraine leib.
  • Ozrma — palo ozran semendan jäl'ghe.
  • Rokkoi — nozol ozrpudr.
  • Surinik — kalitk ozraiženke südäimenke.

Ozrha sidodud vepsän muštatiž vajehta

  • Ozr orahaižes, a laps' vagahaižes.

Homaičendad vajehta



  Nece kirjutuz om vaiše ezitegez. Tö voit abutada meile, ku kohendat sidä da ližadat sihe.