Ostaškov

Ostaškov
Осташков
Lidnanznam;	Flag;
Valdkund	Venäma
Eläjiden lugu (2020)	15,384 ristitud
Pind	12,92 km²
Telefonkod	+7−48 235-xx-xxx
Avtokod	69
Aigvö	UTC+3 (MSK+0)

Ostaškov (ven.: Оста́шков) om Venäman lidn Tverin agjan lodehes. Se om Municipaližen «Ostaškovan lidnümbrik»-ühtnikan (edel 2017-nden voden semendkud — rajonan) administrativine keskuz.

Istorii vajehta

Vanh sar'hine Kličen-röunlidnuz mainitase ezmäižen kerdan litvalaižen Ol'gerd-ruhtinasen kirjeižes vl 1371. Kaks' randališt Ostaškovan küläd mainitasoiš ezmäižen kerdan vl 1434. Ostaškov-eländpunkt sai oficiališt lidnan statusad vl 1770, i vodele 1775 kändihe makundan keskuseks. Suren sodan aigan ei olend okkupiruidud, no vozil 1941−1942 sijazihe frontpirdanno.

Ostaškovan ižandusen päsarakod oma ladimensauvomižen tegim^[1] (elektroakustine apparatur), sömtegimišt, sauvond da turizm, mugažo kaks' nahkoiden tegint i omblendfabrik oma saudud.

Geografijan andmused vajehta

Lidn sijadase ümbrikon keskuzpalas, Seliger-järven suvirandal da sen saril, seižub Valdai-ülüden keskuses, 210 m ü.m.t. keskmäižel korktusel. Matkad Tverihesai om 190 km päivnouzmha. Lähembaižed lidnad oma Kuvšinovo 75 km päivnouzmha avtotedme i Andreapol' 92 km suvipäivlaskmha avtotedme. Ostaškov-raudtestancii sijadase «Bologoje — Velikije Luki»-keskustal.

Klimat om ven. Voden keskmäine lämuz — +4,5 C°, kaikiš lämhemb om heinku (+17,5 C°), viluku i uhoku oma kaikiš vilumbad (−8..−9 C°). Paneb sadegid 687 mm vodes, enamba kezakus-elokus (81..90 mm kus), vähemba uhokus-sulakus (34 mm kus).

Eläjad vajehta

Vn 2010 Venäman rahvahanlugemižen mödhe lidnan eläjiden lugu oli 18 088 ristitud, rajonan (nüg. lidnümbrik) koume nelländest. Kaikiš suremb lidnan ristitišt oli 27 401 eläjad vl 1989. Kaik 16 318 eläjad oli lidnas vl 2017.

Ortodoksižen hristanuskondan ühesa pühäpertid^[2] oma kaičenus lidnas: Hristan Eläbzdusen päjumalanpert', Eläban Eziauguižen Stroican päjumalanpert', Jumalanmaman Smolenskan jumalaižen jumalankodi (päjumalanpertinke i kahtenke jumalanpertinke), Znam-jumalaižen naižjumalankodi (Sündun Voznesenjan päjumalanpertinke), koume časounäd. Niiden ližaks koume jumalanpertid oma pandud mantazole.

Ostaškovan kolledž^[3] om lidnan professionaližen opendusen aluzkundaks.

Lidnan jäl'gmäine pämez' oli Boris Kobzarev vspäi 2015.

Galerei vajehta

Lidnümbrikon ohjastusen sauvuz (2018)
Sündun Voznesenjan päjumalanpert', vn 2012 nägu
Kul'turkeskuz vl 2012 (ende teatr)
Eläban Eziauguižen Stroican päjumalanpert' (om saudud vll 1677−1689) i kodirandantedištandmuzei, vn 2020 nägu
Vanh jonuz Ostaškov-päraudtestancijal vl 2019

Homaičendad vajehta

↑ Ladimensauvomižen tegimen sait (Ostaškov, luchost.ru). (ven.)
↑ Ostaškovan pühäpertid sobory.ru-saital. (ven.)
↑ Ostaškovan kolledžan sait (ostcollege.ru). (ven.)

Irdkosketused vajehta

Ostaškov Vikiaitas

	Tverin agjan lidnad
	Andreapol' \| Belii \| Bežeck \| Bologoje \| Kaläzin \| Kašin \| Kimri \| Konakovo \| Krasnii Holm \| Kuvšinovo \| Lihoslavl' \| Nelidovo \| Ostaškov \| Päivlaskmpol'ne Dvin \| Ržev \| Staric \| Zubcov \| Toropec \| Toržok \| Tver' \| Udoml' \| Ves'jegonsk \| Višnii Voločok

[1] Ladimensauvomižen tegimen sait (Ostaškov, luchost.ru). (ven.)

[2] Ostaškovan pühäpertid sobory.ru-saital. (ven.)

[3] Ostaškovan kolledžan sait (ostcollege.ru). (ven.)

[1]

[2]

[3]

Lidnanznam	Flag
Valdkund	Venäma
Eläjiden lugu (2020)	15,384 ristitud
Pind	12,92 km²

Telefonkod	+7−48 235-xx-xxx
Avtokod	69
Aigvö	UTC+3 (MSK+0)