Očor (ven.: Очёр, perm. komi: Ошшор кар) om Venäman lidn da lidnankund Permin randan suvipäivlaskmas. Se om Očoran rajonan administrativine keskuz.

Očor
Очёр

 Flag
Valdkund Venäma
Eläjiden lugu (2021) 14,246 ristitud
Pind 37,99 km²
Očor Очёр
Pämez' Aleksandr Labutin
(sügüz'ku 2013—)
Telefonkod +7−34 278-xx-xxx
Avtokod 59, 81, 159
Aigvö UTC+5 (MSK+2)

Istorii vajehta

Eländpunktan aluz om pandud vl 1759 kuti Stroganovad-torgovanoiden Očoran raudtegim, nimitihe jogen mödhe. Vspäi 1918 Očoran mašiništonsauvondtegim radab sen alusel, ende tegi bul'dozeroid, torvenpanijoid, pästab štangoid-pompid, mugažo valamiž-mehanine ceh om olmas. Žilo sai lidnan statusad vl 1950.

Lidnan toižed sarakod oma mecan ümbriradmine (pilindmaterialad, mebel') i sömtegimišt (maidtegim, leibkombinat, alkogolitomiden jomižiden tegim). Pen' Očoran GES radab (0,4 MVt vägevudenke).

Geografijan andmused vajehta

Lidn sijadase Očor-jogen randoil (Kaman oiged ližajogi), 150 m ü.m.t. keskmäižel korktusel. Matkad Permihesai om 92 km päivnouzmha orhal vai 110 km avtotedme. Lähembaine lidn da raudtestancii om Vereščagino 21 km pohjoižhe orhal vai 25 km avtotedme.

Očor om lidnankundan üks'jäine eländpunkt.

Eläjad vajehta

Vn 2010 Venäman rahvahanlugemižen mödhe eläjiden lugu oli 14 238 ristitud. Kaikiš suremb ristitišt oli 16 400 eläjad vl 1989.

Ortodoksižen hristanuskondan kaks' jumalanpertid[1] oma kaičenus i avaitud lidnas: Mikoi-arhangelan (om saudud vll 1830−1835) i vanhuskolaižiden Jumalanmaman Emäganpäivän (om saudud vl 1911 vai sen möhemba) jumalanpertid.

Stroganovan kolledž[2] om professionaližen opendusen aluzkundaks.

Galerei vajehta

Homaičendad vajehta

  1. Očoran pühäpertid sobory.ru-saital. (ven.)
  2. Stroganovan kolledžan oficialine sait (strogankolledj.nubex.ru). (ven.)

Irdkosketused vajehta



Permin randan lidnad
Aleksandrovsk | Berezniki | Čaikovskii | Čerdin' | Černušk | Čormoz | Čusovoi | Dobränk | Gornozavodsk | Gremäčinsk | Gubah | Kizel | Krasnokamsk | Krasnovišersk | Kudimkar | Kungur | Lis'v | Nitv | Očor | Ohansk | Os | Perm' | Solikamsk | Usol'je | Vereščagino