Novosokol'niki

Novosokol'niki
Новосокольники
	Lidnanznam;
Valdkund	Venäma
Eläjiden lugu (2020)	7,003 ristitud
Pind	16,14 km²
Pämez'	Nikolai Naumov; (2006—)
Telefonkod	+7−81 144-xx-xxx
Avtokod	60
Aigvö	UTC+3 (MSK+0)

Novosokol'niki (ven.: Новосоко́льники) om Venäman lidn, lidnankund da raudtesol'm Pskovan agjan suves. Se om Novosokol'nikin rajonan administrativine keskuz.

Istorii vajehta

Eländpunktan aluz om pandud vl 1901 žiloks sauvomha ühtennimišt raudtestancijad. Vl 1925 anttihe lidnan statusad.

Lidn oli okkupuruidud Germanijan nacistižil sodavägil vozil 1941 (25. heinku) — 1944 (29. viluku).

Novosokol'nikin tegimišton sarakod oma sauvondmaterialiden tehmine (šebin'tegim), sömtegimišt (leibkombinat), mugažo raudten depod i Nevelin omblendühtelmasen filial oma olmas lidnas.

Geografijan andmused vajehta

Lidn sijadase Pen' Udrai-jogen randal (ven.: Малый Удрай, Il'mjärven bassein), Bežanican ülüden suvipautkenno, 135 m ü.m.t. keskmäižel korktusel. Matkad Pskovhasai om 195 km orhal vai 245 km avtotedme. Lähembaine lidn om Velikije Luki 25 km päivnouzmha orhal, avtotedme vai raudtedme.

«Moskv — Rig»- i «Piter — Kijev»-raudtejonod ristikoičesoiš lidnas. «Moskv — Rig»-avtote (M9 Venämas, A12 Lätanmas) om lidnan suviröunaks.

Novosokol'niki om lidnankundan üks'jäine eländpunkt.

Eläjad vajehta

Vn 2010 Venäman rahvahanlugemižen mödhe lidnan eläjiden lugu oli 8 119 ristitud, rajonan ristitišton viž ühesandest. Kaikiš suremb lidnan ristitišt oli 10,4 tuh. eläjid vl 1989. Kaik 7 378 eläjad oli lidnas vl 2017.

Ortodoksižen hristanuskondan kaks' pühäpertid^[1] oma avaitud lidnas: puine ph. Mikulai-čudonsädajan jumalanpert' (se oli-ki puine vspäi 1912, nügüdläine om saudud vll 1992−1996) i kivine Joann-edelkävujan časoun' (letihe vll 2006−2007).

Professionaližen opendusen aluzkundad ratas lähembaižiš lidnoiš.

Galerei vajehta

Sild jaugnikoiden täht läz päraudtestancijad
Lauk vagzalanno vl 2008
Kul'turkeskuz (2010)
Päraudtestancijan sauvuz vl 2010

Homaičendad vajehta

↑ Novosokol'nikin pühäpertid sobory.ru-saital. (ven.)

Irdkosketused vajehta

Lidnankundan lehtpoled Novosokol'nikin rajonan tobmuden saital (novosokolniki.reg60.ru). (ven.)

Novosokol'niki Vikiaitas

	Pskovan agjan lidnad
	Dno \| Gdov \| Nevel' \| Novoržev \| Novosokol'niki \| Opočk \| Ostrov \| Petseri \| Pitalovo \| Porhov \| Pskov \| Pustošk \| Sebež \| Velikije Luki

[1] Novosokol'nikin pühäpertid sobory.ru-saital. (ven.)

[1]

Lidnanznam
Valdkund	Venäma
Eläjiden lugu (2020)	7,003 ristitud
Pind	16,14 km²

Pämez'	Nikolai Naumov (2006—)
Telefonkod	+7−81 144-xx-xxx
Avtokod	60
Aigvö	UTC+3 (MSK+0)