Nartkal (ven.: Нарткала́, kab. da čerk.: Нарткъалэ «vägimehiden lidn», kar. da balk.: Нарткъала) om Venäman lidn da lidnankund Kabardinijan da Balkarijan Tazovaldkundan päivnouzmas. Se om Kabardinijan da Balkarijan nellänz' surtte lidn, Urvanin rajonan administrativine keskuz.

Nartkal
Нарткала (ven.)
Нарткъалэ (kab. da čerk.)
Нарткъала (kar. da balk.)
Valdkund Venäma
Eläjiden lugu (2023) 32,982 ristitud
Pind 9,43 km²
Nartkal Нарткала (ven.) Нарткъалэ (kab. da čerk.) Нарткъала (kar. da balk.)
Pämez' Arsen Betuganov
(semendku 2021—)
Telefonkod +7−86 635-xx-xxx
Avtokod 07
Aigvö UTC+3 (MSK+0)

Eläjad vajehta

Eländpunktan aluz om pandud vl 1913 kut Dokšukino-raudtestancii (kab. da čerk.: Докъушыкъуей) Dokšukinad-ruhtinasiden-manpidajiden kanzannimen mödhe. Vl 1921 se sai žilon statusad. Vn 1955 16. päiväl kezakud žilo sai lidnan statusad, i vhesai 1967 oli alištunu tazovaldkundan tobmudele oikti. Vl 1967 udesnimitihe lidnad nügüdläižikš, no raudtestancii nimitase enččikš.

Nartkal šingotase sömtegimišton edheotandoil i kalankazvatusel. Ende raudbetontegesiden pästand oli mugažo.

Geografijan andmused vajehta

Lidn sijadase Kabardan tazangištol da Kavkazan ezimägištol. Reljefan korktused vajehtadas sadan metran röunoiš, lidnan keskmäine korktuz — 305 m valdmeren pindan päl.

Matkad Nal'čikhasai om 25 km suvipäivlaskmha orhal, raudtedme vai avtol. Toižed lähembaižed lidnad oma Čegem 25 km päivlaskmha orhal i Maiskii 25 km pohjoižpäivnouzmha orhal.

Tobmuz vajehta

Nartkal om lidnankundan üks'jäižeks eländpunktaks.

Kaik rahvaz valičeb lidnan Sijaližen ičeohjastusen nevondkundan 20 deputatad videks vodeks. Sen ezimez' om Leonid Hagov vn 2009 heinkuspäi. Kaik 15 radnikad om lidnan Administracijas. Sijaližen Administracijan edeližed pämehed oma Aslan Atalikov (reduku 2018 — sulaku 2020, tal'vku 2020 — semendku 2021) i Izmail Batijev (heinku 2014 — reduku 2018).

Eläjad vajehta

Vn 2010 kaiken Venäman rahvahanlugemižen mödhe lidnan eläjiden lugu oli 31 694 ristitud, rajonan kaks' videndest. Vl 2017 lidnan ristitišt oli 30 643 eläjad. Kaikiš suremb lidnan ristitišt oli 33 800 eläjad vll 2003−2005 i 33 203 eläjad vl 2021.

Rahvahad (enamba 1 % vl 2010, ozutadud rahvahudenke): kabardalaižed — 65,5 %, venälaižed — 23,5 %, turkad — 3,9 %, osetijalaižed — 1,7 %, toižed rahvahad — 5,4 %.

Islaman Keskuzline «Al'-Iman»-mečet' medresenke om avaitud. Ortodoksižen hristanuskondan ph. Mikulai-čudonsädajan jumalanpert'[1] radab nügüdläižes sijas vspäi 1967. Protestantizman kaks' pühäpertid: seičemenden päivän adventistoiden i baptizman.

Opendusen aluzkundad lapsiden täht oma kuz' päivkodid, kuz' keskškolad, muzikškol, sportškol, čomamahtoiden škol. Professionaližen opendusen aluzkundad sijadasoiš lähembaižiš lidnoiš.

Galerei vajehta

Homaičendad vajehta

  1. Nartkalan pühäpertid sobory.ru-saital. (ven.)

Irdkosketused vajehta



Kabardinijan da Balkarijan Tazovaldkundan lidnad
Baksan | Čegem | Maiskii | Nal'čik | Nartkal | Prohladnii | Terek | Tirniauz