Nankin
Nankin (kit.: 南京, pin'jin': Nánjīng, vepsän kirjamil: Nan'dzin, sana sanha znamoičeb «suvine pälidn») om Kitain lidn Czänsu-agjas, sen kaikiš suremb lidn, administrativine keskuz da ohjastusen ištundsija, agjale alištusen lidn.
| Valdkund | Kitai |
| Eläjiden lugu (2020) | 9,314,685 ristitud |
| Pind | 6,598 km² |
| |
| Pämez' | Mäo Ruilin (2013—, 缪瑞林) |
| Telefonkod | +86−25 |
| Aigvö | UTC+8 |
Se om Kitain sur' rahaazjoiden, tedoidusiden, turizman da tegimišton keskuz, avtoteiden sol'm.
Matkad Šanhaihesai om 300 km suvipäivnouzmpolehe orhal.
Istorii vajehta
Eländpunktan aluz om pandud Ječeng-nimenke vl 495 edel meiden erad. Vozil 1368−1421 Nankin oli Min-dinastijan pälidnaks.
Vozil 1927−1937 da 1946−1949 Prezidentan pert'kulu Nankinas oli Kitain Tazovaldkundan ohjastusen olendsijaks.
Geografijan andmused vajehta
Nankin sijadase Kitain päivnouzmas, Janczi-jogen molembil randoil. Lidnan keskuzpala seižub 20 m ü.m.t. korktusel, sijadase Janczin oiktal randal.
Klimat om subtropine mussonine pil'vekaz. Voden keskmäine lämuz om +16,4 C°, kezakun-elokun +25,0..+28,4 C°, tal'vkun-uhokun +3,1..+5,6 C°. Ekstremumad oma −14,0 C° (viluku) i +40,7 C° (eloku). Kezaaigan minimum om +11,8 C° (kezaku), tal'vaigan maksimum om +27,7 C° (uhoku). Ei voi panda halad semendkus-redukus. Paneb sadegid 1144 mm vodes, enamba kezakus-elokus (159..227 mm kus), vähemba redukus-uhokus (35..55 mm kus). Paneb lunt ühesa päiväd tal'ves. Kun keskmäine relätivine nepsuz vajehtase 76..79 % röunoiš kezakus-sügüz'kus, 68..73 % redukus-semendkus.
Vspäi 2013 Nankin jagase ühesaks lidnrajonaks da kahteks külärajonaks.
Eläjad vajehta
Vn 2010 Kitain rahvahanlugemižen mödhe lidnan ristitišt oli 8 004 680 eläjad. Kaik 8 187 800 eläjad oli lidnas vl 2013.
Transport vajehta
Kaikiš suremb Kitaiš jogiport otab merilaivoid. Se om 98 km pitte. Lidn om ühtenzoittud Pekinanke kanalal. Viž sildad oma saudud lidnas päliči Jancziš, vspäi 2014 kaks' tonnelid oma jogen al.
Avtobusad, metro da taksid oma kundaližeks transportaks lidnan südäimes. Metro radab vspäi 2005 (vl 2015 om kuz' jonod, 121 stancijad, 224 km raudted).
Rahvahidenkeskeine civiline Nankin Lukou-lendimport (NKG) sijadase 35 kilometras suvhe lidnan keskusespäi. Sišpäi tehtas reisid Kitaidme da Azijan äjihe verhiže maihe, mugažo Evropha da AÜV:oihe.
Homaičendad vajehta
Irdkosketused vajehta
| Nankin Vikiaitas |