Kuvandik
Kuvandik (ven.: Кувандык, bašk.: Ҡыуандыҡ «ihastuiba»[1], tot.: Куандык) om Venäman lidn Orenburgan agjan päivnouzmaižes palas. Se om Kuvandikan lidnümbrikon administrativine keskuz.
Lidnanznam | |
Valdkund | Venäma |
Eläjiden lugu (2021) | 23,225 ristitud |
Pind | 42,06 km² |
Pämez' | Vladimir Gončarov (sügüz'ku 2007—) |
Telefonkod | +7−35 361-xx-xxx |
Avtokod | 56 |
Aigvö | UTC+5 (MSK+2) |
Istorii vajehta
Pokrovk-külä oli olmas Kuvandičk-jogen randal (ven.: Кувандычка) nügüdläižen lidnan territorijal 20. voz'sadan augotišes. Eländpunktan aluz om pandud vl 1914, konz saudihe Kuvandik-raudtestancijad. Sen mödhe nimitihe stancijan žilod, sid' Pokrovk-küläd zavodihe nimitada mugažo. Radnikžilo sai lidnan statusad vl 1953.
Kuvandik šingotase mašiništonsauvomižen i sömtegimišton edheotandoil, mugažo magniiühtnendoiden tegim i mägisuksiden kompleks ratas Kuvandikas.
Geografijan andmused vajehta
Lidn sijadase Sakmar-jogen randal (Uralan oiged ližajogi), 210 m ü.m.t. keskmäižel korktusel. Matkad Orenburghasai om 194 km päivlaskmha, Orskhasai — 90 km päivnouzmha. Lähembaine lidn om Mednogorsk 20 km päivnouzmha avtotedme.
Kaik 79 eländpunktad mülüdas lidnümbrikho Kuvandikan ližaks.
Eläjad vajehta
Vn 2010 Venäman rahvahanlugemižen mödhe lidnan eläjiden lugu oli 26 169 ristitud. Kaikiš suremb lidnan ristitišt oli 29..30 tuhad vozil 1992−2001 (30 700 rist. vl 2000).
Rahvahad (enamba 1% vl 2010, rahvahuden ozutandata): venälaižed — 75,5%, baškiralaižed — 10,5%, totarlaižed — 7,9%, ukrainalaižed — 2,1%, toižed rahvahad — 4,0%.
Ortodoksižen hristanuskondan Jumalanmaman Katken jumalanpert'[2] om pühästadud vl 1994. Islaman kaks' pühäpertid oma avaitud lidnas.
Galerei vajehta
-
Lidnan keskuzpalas (2012)
-
Jumalanmaman Katken jumalanpert', vn 2021 nägu
-
Lidnan poliklinik (2021)
-
Läz Kuvandik-päraudtestancijad vl 2010
Homaičendad vajehta
- ↑ Абсалямова Ю. А. Башкиры Восточного Оренбуржья (Orenburgan agjan päivnouzman baškiralaižed) / ИИЯЛ УНЦ РАН. — Uf, 2016. — 184 lp. (ven.)
- ↑ Kuvandikan pühäpertid sobory.ru-saital. (ven.)
Irdkosketused vajehta
- Kuvandikan lidnümbrikon tobmuden aluzkundoiden oficialine sait (regionkuv.orb.ru). (ven.)
- Lidnan informacine sait (окувандык.рф). (ven.)
Kuvandik Vikiaitas |
Orenburgan agjan lidnad | ||
Abdulino | Buguruslan | Buzuluk | Gai | Jasnii | Kuvandik | Mednogorsk | Novotroick | Orenburg | Orsk | Sol'-Ileck | Soročinsk | ||