Kostanai
Kostanai (kazahan kelel: Қостанай, ven.: Костанай, vozil 1895−1997 — Kustanai) om Kazahstanan lidn valdkundan pohjoižes. Se om Kostanain agjan administrativine keskuz.
Lidnanznam |
Flag |
Valdkund | Kazahstan |
Eläjiden lugu (2018) | 239,652 ristitud |
Pind | 240 km² |
Pämez' | Bazil Žakupov (sügüz'ku 2015—) |
Telefonkod | +7−7142-xxx-xxx |
Aigvö | UTC+6 |
Istorii vajehta
Eländpunktan aluz om pandud vl 1879 kuti Nikolajevsk. Vl 1893 se sai lidnan statusad. Vl 1913 raudte tuli lidnha Čeläbinskaspäi (sijadase 260 km lodeheze orhal). 1950-nzil vozil ristitišt ližadui stepin haumhen otandan kävutamižhe taguiči.
Kostanai šingotase sauvondmaterialiden tehmižel, sömtegimištol, mašiništonsauvomižel (dizel'tegim, agromašinad) i tekstilin da kengiden edheotandoil (kezerduztrikotažine fabrik, omblendfabrik, kan'goiden ajandfabrik).
Geografijan andmused vajehta
Lidn sijadase agjan pohjoižes, Tobol-jogen (kaz.: Тобыл) hural randal, 156 m keskmäižel korktusel valdmeren pindan päl. Matkad Astanhasai om 571 km suvipäivnouzmha orhal vai 770 km avtotedme.
Eläjad vajehta
Vn 2009 Kazahstanan rahvahanlugemižen mödhe lidnan eläjiden lugu oli 214 961 ristitud. Kaikiš suremb eläjiden lugu oli 233 900 ristitud vl 1991 i om nügüd'. Islaman (sunnizm) i ortodoksižen hristanuskondan pühäpertid, sinagog i katoline kostöl oma olmas lidnas.
Rahvahad (2018, enamba 0,4%): venälaižed — 43,5%, kazahlaižed — 39,3%, ukrainalaižed — 7,1%, saksalaižed — 2,3%, totarlaižed — 2,0%, vaugedvenälaižed — 1,3%, korejalaižed — 1,2%, azerbaidžanlaižed — 0,5%, toižed rahvahad — 2,8%.
Homaičendad vajehta
Irdkosketused vajehta
- Lidnan akimatan oficialine portal (kostanay.kostanay.gov.kz). (kazah.) (ven.) (angl.)
Kostanai Vikiaitas |