Koiranvuiččed

Koiranvuiččed
Koiranvuiččiden erazvuiččend
Tedoklassifikacii
Valdkund: Živatad Tip: Sel'gjäntkeižed (Chordata) Klass: Imetaiživatad (Mammalia) Heimkund: Lihansöjad (Carnivora) Sugukund: Koiranvuiččed
Latinankel'ne nimi
Canidae (G. Fischer, 1817)
Sistematik Vikierikoiš Kuvad Vikiaitas ITIS 180594 NCBI 9608

Koiranvuiččed (latin.: Canidae) om živatoiden sugukund Lihansöjad-heimkundaspäi. Se om üks'jäine eläb Canoidea-infraheimkundas.

Augotižlibund i areal

Sugukundan ezitajad eläškanziba 40 mln vozid tagaz. Kaik om koume alasugukundad siš: kadonuded Hesperocyoninae (eliba 39,7..15 mln vozid tagaz) i Borophaginae (34..2 mln vozid tagaz), eläb Caninae (erigoičihe 34 mln vozid tagaz). Läz kahesad millionad vozid tagaz Koiranvuiččed leviganziba Evrazijadme Pohjoižamerikaspäi tulden. Lugetas 24 heimod kadonuzidenke, niišpäi 13 heimos om 39 eläbad erikod. Živatad oma koirad, reboid, händikahad, šakalad i kojotad, mugažo maikong (Cerdocyon thous).

Sugukundan erikod puttas kaikil kontinentil päiči Antarktidas. Koir om kodikoittud 26 tuhad vozid tagaz vai sen aigemba. Löutas händikahiden jäl'gid ristitun seižundtahoiš 300 tuhad vozid igänke, se todištab ičekeskentehmižen toižendad heiden keskes. Koiranvuiččiden erased erikod oma karvanpramozlan i živatvodindan objektoikš.

Ümbrikirjutand

Lihansöjad järgeližes el'genduses. Hibjan piduz voib olda 18..22 santimetraspäi 50 sm (pened reboid) i 160 santimetrhasai (händikaz). Hibj i pä oma pit'kahkod, korvad oma püštti. Händad oma pit'kad da karvakahad.

Karvan piduz i lad vajehtasoiš sezonha kacten, verüž. Karvan muju voib olda erazvuitte: monohromine, čokkoimekaz, läipoikaz, erasti kirjav lujas.