Klincad

Klincad
Клинцы
Lidnanznam;	Flag;
Valdkund	Venäma
Eläjiden lugu (2021)	63,059 ristitud
Pind	64 km²
Pämez'	Oleg Škuratov; (reduku 2014—)
Telefonkod	+7−48 336-xx-xxx
Avtokod	32
Aigvö	UTC+3 (MSK+0)

Klincad (ven.: Клинцы́) om Venäman lidn da lidnümbrik valdkundan päivlaskmas, Bränskan agjas. Se om agjan kahtenz' surtte lidn, mugažo om Klincan rajonan administrativižeks keskuseks.

Istorii vajehta

Eländpunktan aluz om pandud vanhuskolaižil vl 1707 kuti Klinci-slabad, om nimitadud edeleläjiden kanzannimen mödhe (ven.: Клинец) äilugus. 19. voz'sadal se kändihe tekstil'tegimišton keskuseks, oli olmas 25 edheotandad, niiden kesken 10 vatefabrikad da 11 nahktegint. Ühtennimine Klincad-raudtestancii radab «Bränsk — Gomel'»-keskustal vspäi 1887. Žilo sai lidnan statusad vl 1925.

Klincan ižandusen päedheotandad oma avtolibutimiden tegim^[1], tulkimrenghiden tegim^[2] da silikatsavičun tegim. Mugažo sauvondmaterialiden kombinat, «Metrobeton»-tegim, špagatanfabrik, konservtegim, maidedheotand da kengidenfabrik oma saudud.

Geografijan andmused vajehta

Lidn sijadase agjan päivlaskmas, seižub Moskovk-jogen randal (ven.: Московка, Turosnan ližajogi, Dnepran bassein), 150..160 m ü.m.t. korktusil.

Matkad Bränskhasai om 164 km pohjoižpäivnouzmha, Ukrainan röunhasai — läz 50 km suvhe, Vaugedvenäman röunhasai — läz 50 km päivlaskmha da pohjoižhe.

Tobmuz vajehta

Kaik kaks' žilod mülüdas ümbrikho Klincad-lidnan ližaks: Zaimišče (5226 rist. vl 2013) i Ardon' (2418 rist. vl 2013).

Lidnümbrikon pämez' om Lidnan nevondkundan ezimez'.

Eläjad vajehta

Vn 2010 Venäman rahvahanlugemižen mödhe lidnan eläjiden lugu oli 62 510 ristitud, lidnümbrikon — 70 350 ristitud. Kaikiš suremb lidnan ristitišt oli 72 tuhad eläjid vozil 1986−1987. Vl 2017 kaik 62 832 eläjad oli lidnas i 70 164 eläjad kaikes lidnümbrikos.

Ortodoksižen hristanuskondan üks'toštkümne pühäpertid^[3] oma kaičenus i saudud lidnas: phh. Petr- i Pavel-appstoloiden kafedraline päjumalanpert' (letihe vll 1835−1848), Jumalannägundan päjumalanpert' (om avaitud vl 2020), Klincan Emäganpäivän naižjumalankodi, seičeme jumalanpertid i časoun'. Niiden ližaks kuz' jumalanpertid ei ole kaičenus.

Klincan industrialiž-pedagogine kolledž^[4] om lidnan professionaližen opendusen aluzkundaks.

Galerei vajehta

Tobmuden sauvuz (2015)
Phh. Petr- i Pavel-appstoloiden kafedraline päjumalanpert', vn 2014 nägu
Avtolibutimiden tegimen produkcii vl 2012
Lidnan istorižed torguindrived (2017. voz' vai sen aigemba)
Kul'turkeskuz vl 2015

Homaičendad vajehta

↑ Klincan avtolibutimiden tegimen sait (oaokaz.ru). (ven.)
↑ Klincan tulkimrenghiden tegimen sait (kzpk.ru). (ven.) (angl.)
↑ Klincan pühäpertid sobory.ru-saital. (ven.)
↑ Klincan industrialiž-pedagogižen kolledžan sait (kipk.edusite.ru). (ven.)

Irdkosketused vajehta

Lidnümbrikon tobmuden sait (klinci.ru). (ven.)

Klincad Vikiaitas

	Bränskan agjan lidnad
	Bränsk \| Dät'kovo \| Fokino \| Karačev \| Klincad \| Mglin \| Novozibkov \| Počep \| Sel'co \| Sevsk \| Starodub \| Suraž \| Zlink \| Žukovk \| Trubčevsk \| Uneč

[1] Klincan avtolibutimiden tegimen sait (oaokaz.ru). (ven.)

[2] Klincan tulkimrenghiden tegimen sait (kzpk.ru). (ven.) (angl.)

[3] Klincan pühäpertid sobory.ru-saital. (ven.)

[4] Klincan industrialiž-pedagogižen kolledžan sait (kipk.edusite.ru). (ven.)

[1]

[2]

[3]

[4]

Lidnanznam	Flag
Valdkund	Venäma
Eläjiden lugu (2021)	63,059 ristitud
Pind	64 km²

Pämez'	Oleg Škuratov (reduku 2014—)
Telefonkod	+7−48 336-xx-xxx
Avtokod	32
Aigvö	UTC+3 (MSK+0)