Itterbii
Itterbii (Yb — ytterbium latinan kelel) om 70nz' himine element himižiden elementoiden periodižes tabludes, lantanoidoiden gruppaspäi (koumanz' grupp, kudenz' period).
70 |
0
2 8 32 18 8 2 |
Yb 173,045 |
|
Itterbii |
Ühthine ümbrikirjutand vajehta
Element om harv londuses, pala Man kores — 3 grammad tonnas.
Šveicarine Žan Šarl' de Marin'jak-himik avaiži itterbijan vl 1878. Nimitihe Itterbü-žilon mödhe Stokhol'man sarišton Resarö-sarel, kuti koumed tošt elementad-ki (terbii, erbii, ittrii).
Fizižed ičendad vajehta
Itterbii om tagokaz notked hoštai hobedakaz mametall. Oleskeleb koumes kristalližes nägus: α-Yb geksagonaliženke seglusenke (6,903 g/sm3), β-itterbii kaikiš kinktembanke seglusenke (6,966 g/sm3) i γ-itterbii kubiženke seglusenke (6,57 g/sm3), toižetamine α↔β tegese −13 C° lämudel, β↔γ — +795 C°.
Atommass — 173,045. Ninevuz (normaližiš arvoimižiš) — 6,9654 g/sm³. Suladandlämuz — 1097 K (824 C°). Kehundlämuz — 1469 K (1196 C°).
Londuseline itterbii kogoneb seičemes stabiližes izotopaspäi: 168Yb (0,13%), 170Yb (3,02%), 171Yb (14,21%), 172Yb (21,75%), 173Yb (16,1%), 174Yb (31,9%) i 176Yb (12,89%). Tetas 27 ratud radioaktivišt izotopad 148..167, 169, 175, 177..181 atommassanke, i 12 izomärad, niiden keskes kaikiš hätkemb om 169Yb-izotop 32 päiväd pol'čihodamižen pordonke.
Kävutand vajehta
Ottas kävutamižhe itterbijad atomenergetikas, elektronikas, optikas i magnitoiden tehmižes.
Metallan päeksportör — Kitai, mugažo om sen löudmižsijid AÜV:oiš, Kazahstanas, Venämas, Ukrainas, Avstralijas, Brazilijas, Indijas da Skandinavijas.
Irdkosketused vajehta
- Itterbii webelements.com-saital. (angl.)
- Kirjutuz itterbijas Himižiden elementoiden populärižes n-t.ru-kirjištos. (ven.)
Itterbii Vikiaitas |