Ižoran kel' (ičeze nimituz: ižorin kēli) om suomalaiž-ugrilaine, Baltijan meren suomalaine kel'. Kelen kandajad — ižoralaižed, elädas Venäman Leningradan agjas, sen Kingiseppan rajonas, ende elihe Lomonosovan i Gatčinan rajoniš mugažo.

Kelen levigandusen kart (2020)
Kelen ozutez: Ižoran kul'turan muzejan tedolaud Leningradan agjan Kingiseppan rajonas, Venälaine Federacii, kezaku 2022

Pagižijoiden lugu — 123 ristitud (vn 2010 Venäman rahvahanlugemižen mödhe). Kandajiden keskmäine igä oli 65,8..70,5 vot vl 2002. Erištadas nell' paginad: eläbad soikinon (Soikinon pol'sarel)[1] i alalugan, i kaks' kadonut — päivnouzmaine (hevan) i oredežan (ülälugan).

Harakteristik vajehta

Kirjkel' om latinan kirjamišton pohjal, ezmäine om sätud 1930-nzil vozil. Om tekstoid suomen literaturižen kelen kirjamil.

Sanan painend om fiksiruidud ezmäižel tavul. Vokalid erinedas hätkeližusen mödhe. Vaihiden järgenduz om joudahk, bazine om SVO. Vaihišt om igähine päpaloin, velgsanad oma ottud venäkelespäi tobjimalaz. Kaik om 12 kändod substantivil.

Lugusanad vajehta

  • üks — üks'
  • kaks — kaks'
  • kolD — koume
  • neljä — nell'
  • vīZ — viž
  • kūZ — kuz'
  • seitsemän — seičeme
  • kaheksan — kahesa
  • üheksän — ühesa
  • kümmenän — kümne
  • kakskümmenD — kaks'kümne
  • koltkümmenD — koumekümne
  • saDa — sada

Kacu mugažo vajehta

Homaičendad vajehta

  1. В Кингисеппском районе Ленобласти появился Центр ижорского языка и ремесла (Ižoran kelen i käziradoiden keskuz om avaitud Leningradan agjan Kingiseppan rajonas) // Uzištused 16.03.2020. — Finnougoria.ru. (ven.)

Irdkosketused vajehta