Evropii
Evropii (Eu — europium latinan kelel) om 63nz' himine element himižiden elementoiden periodižes tabludes, lantanoidoiden gruppaspäi (koumanz' grupp, kudenz' period).
63 |
0
2 8 25 18 8 2 |
Eu 151,965 |
|
Evropii |
Ühthine ümbrikirjutand vajehta
Element om harv londuses, sen pala mail'mas om 5 × 10−10. Vl 1896 francijalaine himik Ežen Anatol' Demarse sai puhtast evropijad ezmäižen kerdan. Ei voi löuta evropijad Mas joudjas olendas.
Metall, sen hapanduz, hlorid i nitrat oma vähäntoksižed ristitun täht.
Fizižed ičendad vajehta
Evropii om pehmed hobedaižvauged mametall. Kristalline segluz om kubine mülükeskustoittud normaližen painuden al, völ kaks' modifikacijad oleleb korktan painuden al.
Atommass — 151,965. Ninevuz (normaližiš arvoimižiš) — 5,243 g/sm³. Suladandlämuz — 1099 K (826 C°). Kehundlämuz — 1802 K (1529 C°).
Londuseline evropii kogoneb kahtes stabiližes izotopaspäi: 151Eu (52,2%) i 153Eu (47,8%). Tetas 36 ratud radioaktivišt izotopad 130..150, 152, 154..167 atommassanke i 17 izomärad, niiden keskes nelläl pol'čihodamižen pord om hätkemb: 150Eu (36,9 vot), 152Eu (13,516 vot), 154Eu (8,593 vot) i 155Eu (4,76 vot).
Himižed ičendad vajehta
Evropii muigotub il'mas kebnas i katase hapandusen (Eu2O3) kerthel. Pölü voib palada poukahtuden il'mas. Muigotandmärad: +3 (tobjimalaz), +2, +1.
Kävutand vajehta
Ottas kävutamižhe evropijad atomenergetikas, elektronikas i medicinas.
Maksoi 800..2000 US$ kilogrammas vl 2014. Päeksportör — Kitai, mugažo om evropijan löudmižsijid Kenijas (kaikiš suremb), AÜV:oiš, Kazahstanas, Venämas, Ukrainas, Avstralijas, Brazilijas, Indijas da Skandinavijas.
Irdkosketused vajehta
- Evropii webelements.com-saital. (angl.)
- Kirjutuz evropijas Himižiden elementoiden populärižes n-t.ru-kirjištos. (ven.)
Evropii Vikiaitas |