„Duty free“ (angl.: duty free shop, vepsän kirjamil: djuti fri šop «torguindan röunmaksoita lauk») om eriline laukan toižend. Sen tavaroiden arv om madalamba, sikš miše mödas niid erasita valdkundmaksoita da akcizoita, no ostajale ei sa toda tavarod valdkundan territorijha.

„Duty free“-lauk Šeremet'jevo-aeroportas (Moskv, Venäma)

Tobjimalaz „duty free“-laukad sijadasoiš portoiden, lendimportoiden, päraudtestancijoiden da valdkundröunoiden südäimes. Järgeline assortiment — alkogoližed jomad, tabaktegesed, parfümerii da bakalejantavarad.

Ezmäine „duty free“-lauk radaškanzi irlandižen Šannon-lendimportas Limerik-lidnanno vl 1947, se om avaitud tähäsai. Torguindan toižend laukan abul sai populärižust teravas, hot' pojav mönd tukuil oli edel sidä. Vl 2011 mail'man torguindan röunmaksoita ühthine suruz oli US$46 mlrd Mail'man Tax Free-associacijan (Tax Free World Association, TWFA) andmusiden mödhe.

Homaičendad vajehta



  Nece kirjutuz om vaiše ezitegez. Tö voit abutada meile, ku kohendat sidä da ližadat sihe.