Ainsa-Sobrarbe

(Oigetud lehtpolelpäi Ainsa Sobrarbe)


Ainsa-Sobrarbe (isp.: Aínsa-Sobrarbe, arag.: L'Aínsa-Sobrarbe) om municipalitet Ispanijan avtonomižes Aragon-ühthižkundas, sen Uesk-provincijas. Administrativine keskuz om Ains-lidnut.

Ainsa-Sobrarbe
Aínsa-Sobrarbe
Lidnanznam
Valdkund Ispanii
Eläjiden lugu (2021) 2,312 ristitud
Pind 284,8 km²
Ainsa-Sobrarbe Aínsa-Sobrarbe
Pämez' Enrike Puejo
(2015−2023,
Enrique Pueyo García)
Telefonkod +34−974
Aigvö tal'vel UTC+1,
kezal UTC+2

Istorii vajehta

Ains-lidn oli Sobrarben grafkundan pälidnaks vll 724−1045. Ainsan lidnuz (11.-17. voz'sadad) i ph. Marijan jumalanpert' (11.-12. voz'sadad) oma kaičenus lidnas. Kundan ristitišt poleni padoseiniden sauvondan tagut 20. voz'sadal, sen aigan äjad pöudod oliba upotadud. Nügüdläine municipalitet om sätud vl 1976 Ains- i Al'to-Sobrarbe-municipalitetoiden ühtištusel. Kävutadas vet gidroelektrostancijoil i varatoitas vedel Ebro-alangišton eläjid.

Ainsa-Sobrarbe-kund šingotase turizman toižendoil: istorižed muštnikad, maižanduseline, mägituruzm i ozaitelemižed.

Geografijan andmused vajehta

Kund sijadase valdkundan i ühthižkundan pohjoižpäivnouzmas, 569 m ü.m.t. keskmäižel korktusel.

Kaik 23 elänzoittud eländpunktad om kundas.

Eläjad vajehta

Vl 2010 kundan eläjiden lugu oli 2 193 ristitud. Vspäi 1900 kaikiš suremb ristitišt oli 3 721 eläjad vl 1920, kaikiš penemb — 1 209 eläjad vl 1981, siš aigaspäi kundan ristitišt ližadub kaikenaigašti. Vl 2008 kundan 1561 eläjad 2095-späi elihe Ains-lidnudes.

Edeline kundan pämez' om Hose Migel' Čelis Peres (2007−2015, José Miguel Cheliz Pérez).

Irdkosketused vajehta